1-тапсырма. Мәтінді оқыңдар. Мәтіннен негізгі және қосымша ақпаратты, көтерілген мәселені анықтауға бағытталған нақтылау сұрақтарын құрастырыңдар. Қытай Ұлттық кітапханасы Қытай Ұлттық кітапханасын Чиң әулетінің (1644-1911) соңғы императоры Пу И 1909 жылы қыркүйек айында құрды. Көлемі мен кітап қоры жөнінен «Әлемдік үштікке» кіреді, АҚШ-тың Конгресс кітапханасы мен Франция Ұлттық кітапханасынан кейінгі үшінші орынды алады. Жалпы көлемі 250 мың шаршы метр аумақты алып жатыр. Ал оқырмандар саны бойынша, бұл – әлемдегі ең үлкен кітапхана. Мұнда бір мезгілде сегіз мыңдай оқырманды қабылдап, оларға алты жүз мыңға жуық кітап ұсынылады. 2007 жылдың соңына дейін Қытай Ұлттық кітапханасында сақталған кітап қорының саны – 26 миллион 310 дана. Мұнда өте көне қолжазбалардың 270 мың нұсқасы сақталса, әдеттегі көне жазбалар 1 миллион 640 мың данаға жеткен. Әлем халықтарының 115 тілінде жазылған көне кітаптар кітапхананың жалпы қорының 50%-ін құрайды. Біріккен Ұлттар Ұйымы мен шетел үкіметі басылымдары да осы жерден табылады. Кітапханада қазіргі заманға сай озық технология белсенді қолданылуда. Ұлттық кітапхана оқырмандары 10 мыңнан астам электронды кітаптың мазмұнын ұялы телефон не кабельді теледидар арқылы оқу мүмкіндігіне ие болып отыр. Қытай Ұлттық кітапханасының жаңа ғимаратында оқырмандар залы, ғылыми-зерттеу жұмыстарына арналған залдар және мәжіліс залдары бар. Нақтылау сұрақтары 1, 2, 3